Azərbaycan Dövlət Neft Şirkəti (SOCAR) tərəfindən 2017-ci ilin iyul ayında dövlət büdcəsinə 128 mln. 954 min manat vəsait ödənilib.
SOCAR-dan “APA-Economics”ə verilən məlumata görə, bu göstərici 2016-cı ilin iyul ayı ilə müqayisədə 1 mln. 755 min manat və ya 101,4% çoxdur. Ümumiyyətlə, cari ilin yanvar-iyul aylarında büdcəyə 914 mln. 566 min manat vəsait ödənilib ki, bu da ötən ilin analoji dövrü ilə müqayisədə 125 mln. 625 min manat və ya 115,9% çoxdur.
Bundan əlavə, 2017-ci ilin iyul ayında Dövlət Sosial Müdafiə Fonduna SOCAR tərəfindən 12 mln. 959 min manat vəsait köçürülüb. Bu, ötən ilin müvafiq dövrünə nisbətən 875 min manat və ya 107,2%. Cari ilin yanvar-iyul aylarında SOCAR tərəfindən Dövlət Sosial Müdafiə Fonduna ödəniş 87 mln. 251 min manat təşkil edib ki, bu da 2016-cı ilin yanvar-iyul ayları ilə müqayisədə 5 mln. 635 min manat və ya 106,9% çoxdur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
