Şirvan. Əlibəy Zeynallı - APA. Bu gün saat 11.00 radələrində Şirvan şəhəri, H. Əliyev prospekti 3a, mənzil 35 ünvanında yanğın baş verib.
APA-nın Mil-Muğan bürosunun verdiyi məlumata görə, 1954-cü il təvəllüdlü Şükürova Cəmilə Əziz qızına məxsus mənzilin mətbəxində başlayan yanğın sonradan digər otağa keçib. 35 kvadratmetr mənzilin 20 kvadratmetrə qədəri orada olan əşyalarla birlikdə yanıb.
Yanğının söndürülməsinə Şirvan Yanğından Mühafizə Xidmətinin iki yanğınsöndürən maşını və canlı qüvvəsi cəlb edilib. Yanğın lokallaşdırılaraq digər otağa keçməsinin qarşısı alınıb.
Bronxial astma xəstəliyindən əziyyət çəkən mənzilin sahibi Cəmilə Şükürova boğulma diaqnozu ilə xəstəxanaya yerləşdirilib.
Yanğının səbəbləri araşdırılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
