2017-ci il aprelin 1-ə “AGBank”ın cəmi aktivləri 505,752 mln. manat təşkil edib. Bu göstərici ötən ilin eyni dövrü ilə müqayisədə 2,23% azdır.
“APA-Economics” xəbər verir ki, hesabat dövründə bankın kredit portfeli 287,537 mln. manat təşkil edib ki, bu da 21,5% azalma deməkdir. Kredit portfelində vaxtı keçmiş kreditlərin həcmi isə 60% artaraq 140,249 mln. manat təşkil edib. Bu isə ümumi kredit portfelinin 48,7%-i deməkdir.
Depozit portfeli hesabat dövründə 4,48% azalaraq 210,399 mln. manata enib. Əhalinin əmanətlərinin həcmi isə 151,095 mln. manat təşkil edib ki, bu da ötən ilin analoji dövrü ilə müqayisədə 4,08% azalma deməkdir. Bankın öhdəlikləri isə 4,4% artaraq 453,514 mln. manat olub.
Hesabat dövründə “AGBank”ın nizamnamə kapitalı 0,69% artaraq 102 mln. 200 min manat təşkil edib.
Qeyd edək ki, “AGBank” cari ilin ilk rübünü 1 mln. 807,450 min manat zərərlə başa vurub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
