Qadın voleybolçulardan ibarət Azərbaycan milli komandasının Avropa çempionatının 1/8 finalındakı rəqibi dəqiqləşib.
APA-nın məlumatına görə, C qrupunda 2-ci olan yığmamız Bolqarıstanla qarşılaşacaq.
Sonuncular A qrupunda 3-cü yerə sahib çıxıblar. Qrup mərhələsinin son günündə Finlandiyanı 3:0 (25:14, 25:21, 25:19) hesabı ilə məğlub edən bolqarıstanlılar 9 xalla üçüncü olublar.
1/8 finalın Azərbaycan – Bolqarıstan oyunu sentyabrın 1-də Macarıstanın paytaxtı Budapeştdə keçiriləcək.