Top oyunları

Top oyunları

Voleybol üzrə Azərbaycan yığması dünya reytinqində irəliləyib

07 sentyabr 2023 11:23 (UTC +04:00)

Voleybol yığmalarının FİVB reytinqi açıqlanıb.

Apasport.az saytının məlumatına görə, Avropa çempionatının yekununa əsasən müəyyənləşən cədvəldə Azərbaycan milli komandalarının da mövqeyi bəlli olub.

Qadınlardan ibarət millimiz 112,41 xalla dünyanın 32-ci komandasıdır. Avropa çempionatında uğursuz çıxış edən yığmamız Çexiya və Yunanıstan üzərindəki qələbələr sayəsində 1 pillə irəliləyib.

Qadın komandaların cədvəlinə Avropa çempionu Türkiyə başçılıq edir. Onların aktivində 384,08 xalı var. “Ay-ulduzlular”ı ABŞ izləyir (357,13 xal). “Üçlüy”ü qitə çempionatının finalında uduzan Serbiya qapayır – 356,82 xal.

Kişilərdən ibarət komandamız 83,33 xalla planetin 46-cısıdır. Voleybolçularımız son cədvəllə müqayisədə 1 pillə geriləyiblər.

İlk “üçlük” isə dəyişməz qalıb. Polşa (409,22), ABŞ (376,16) və İtaliya (365,85) ön sıralarda qərarlaşıb.

ApaSport