Bakı – APA. “Rabitə”nin yeni transferi Katarjina Skovronska yeni rekord müəyyənləşdirib. Apasport.az saytının məlumatına görə, polşalı ulduz bu uğura dünya Qran-prisinin ilk mərhələsi çərçivəsində Rusiya ilə oyunda imza atıb.
Belə ki, 30 yaşlı hücumçu yığmasının tarixində ən çox xal yığan voleybolçu adına yiyələnib. O, Avropa çempionatının final mərhələsində Azərbaycanla eyni qrupda yer alan Rusiyaya 3:2 hesabı ilə uduzduqları matçda 41 xal (!) toplayıb. Bunlardan 35-ni hücumda qazanan Skovronska 6 dəfə də blokda keçilməz olub.
Buna kimi rekord əfsanəvi Malqorzata Qlinkaya məxsus olub. O, 2003-cü ildə Avropa çempionatında Polşa – Almaniya oyununda 40 xal toplamışdı.
Qeyd edək ki, Katarjina Azərbaycan çempionuna Çinin “Quançjou Everqrand” klubundan transfer olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
