Bakı – APA. Kişi basketbolçulardan ibarət Azərbaycan yığması Qırğızıstanın Bişkek şəhərində keçiriləcək ənənəvi “Novruz” turnirində iştirak edəcək. Bu barədə məlumatı apasport.az saytına millimizin baş məşqçisi Elxan Əliyev verib.
Onun sözlərinə görə, ardıcıl 3 dəfə (2010-2012) qalibi olduqları yarışda yığmamızın legionerləri oynamayacaqlar: “Biz turnirdə yığma kimi iştirak etməyəcəyik. Çünki komandamızın xaricdə forma geyinən basketbolçuları ölkə çempionatında oynayırlar. Bu səbəbdən də səfərə klublar yığması kimi gedəcəyik”.
Martın 16-23-də baş tutacaq turnirdə təmsilçimizlə yanaşı, Amerika, Rusiya, Çin, Türkiyə klubları, habelə Özbəkistan və Qırğızıstan yığmaları qüvvələrini sınayacaqlar.
Qeyd edək ki, komandamız səfərə martın 15-də yola düşəcək.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
