Bakı – APA. Bakının “Azəryol” voleybol klubunun ardınca “Lokomotiv”in də Türkiyədə hazırlıq keçəcəyi dəqiqləşib. Apasport.az saytının məlumatına görə, Super Liqada yaranmış fasilədən səmərəli istifadə etməyi planlaşdıran “dəmiryolçular” təlim-məşq toplanışı üçün yanvarın 4-də qonşu ölkəyə yollanacaqlar.
Çempionatın sürpriz komandası toplanış çərçivəsində Türkiyə nəhənglərindən “Fənərbahça” , “Beşiktaş” və “Qalatasaray”la yoxlama matçı da keçirəcək. Bakı təmsilçisi ilk oyununa yanvarın 5-də çıxacaq. Onlar həmin gün “sarı-lacivərdlilər”lə güclərini sınayacaq. Bir gün sonra “Beşiktaş”la münasibətinə aydınlıq gətirəcək “Lokomotiv” yanvarın 7-də “sarı-qırmızılar”la üz-üzə gələcək.
Komanda yanvarın 8-də toplanışı başa vuraraq, vətənə dönəcək.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
