Bakı-APA. Rusiya Hərbi Dəniz Qüvvələrinə məxsus “Oryol” nüvə sualtı qayığında ötən gün yerli vaxtla 14.00-da başlayan yanğın (Bakı vaxtı ilə 16.00) söndürülüb. APA-nın “Gazeta.ru”ya istinadən verdiyi xəbərə görə, təmirə dayanan qayıqda yanğın Severodvinsk şəhərindəki “Zvyozdoçka” tərsanəsində qaynaq işləri zamanı baş verib.
Hazırda yanğının tamamilə söndürüldüyü bildirilir. Məlumata görə, döyüş sursatı təmirdən əvvəl qayıqdan çıxarılıb, nüvə reaktoru isə qapanmış vəziyyətə gətirilib.
Hadisə nəticəsində xəsarət alan olmayıb.
Yanğına səbəb qayıqda qaynaq işlərinin texnologiyasında yol verilmiş nöqsanların olduğu ehtimal edilir.
Fakt üzrə cinayət işi başlanıb. Hadisə yerində əməliyyat-istintaq qrupu araşdırma aparır, hadisənin səbəbləri müəyyənləşdirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
