Bakı. Şəhriyar Əlizadə - APA. Bakı Apellyasiya Məhkəməsində saxta əsginas satmaqda təqsirləndirilən İsgəndər Soltanlının apellyasiya şikayəti əsasında məhkəmə prosesi başa çatıb.
APA-nın məlumatına görə, prosesdə qərar elan olunub. Qərara əsasən, apellyasiya şikayəti təmin olunaraq İ. Soltanlının cəzası 10 ildən 8 ilə endirilib.
Qeyd edək ki, əvvəllər də məhkumluq həyatı yaşayan İsgəndər Soltanlı Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsi əməkdaşlarının həyata keçirdikləri əməliyyat-axtarış tədbirləri nəticəsində 700 ədəd saxta 100 dollarlıq əsginası 4000 manat satarkən tutulub.
Bakı Ağır Cinayətlər Məhkəməsinin hökmü ilə İ. Soltanlı 10 il müddətinə azadlıqdan məhrum edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
