Kürdəmirdə vəhşi heyvanlar kəndə hücum edib. APA-nın yerli bürosunun xəbərinə görə, hadisə gecə saatlarında rayonun Qarasaqqallı kəndində baş verib. Kənd sakini Məhəmməd Əliyevin fərdi təsərrüfatına hücum edən yırtıcılar 8 baş xırda buynuzlu heyvanı tələf edib, 3 baş heyvanı isə yaralayıb. Hadisə yerinə cəlb olunan baytarlıq idarəsinin əməkdaşları yaralı heyvanları vaksinasiya edib, ölən heyvanlar isə basdırılıb.
M. Əliyevin dediyinə görə, belə hadisələr kənddə tez-tez baş verir. Son 1 ayda kənd sakinlərinin fərdi təsərrüfatına vəhşi heyvanlar 11 dəfə hücum ediblər.
Sakinlər bu cür halların qarşısını almaqda aciz olduqlarını bildirirlər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
