Bakı. Etibar Məmmədov - APA. Bu gün Müsavat Partiyasının başqanı Arif Hacılı Amerika Birləşmiş Ştatlarının (ABŞ) Azərbaycandakı səfirliyində ABŞ dövlət katibinin Avropa və Avrasiya məsələləri üzrə köməkçisinin müavini xanım Bridcet A.Brinklə görüşüb.
Partiyanın mətbuat xidmətindən APA-ya verilən məlumata görə, görüşdə Azərbaycan-ABŞ münasibətləri, Azərbaycanın Avropaya inteqrasiya məsələləri, ictimai-siyasi vəziyyət, siyasi məhbuslar problemi, Azərbaycanda keçirilən parlament seçkiləri, Qarabağ münaqişəsi və digər məsələlər barədə fikir mübadiləsi aparılıb.