Gürcüstan. Nizami Məmmədzadə - APA. Gürcüstanın Kobuleti rayonunda Suriya vətəndaşı saxlanılıb.
APA-nın Gürcüstan bürosunun məlumatına görə, 1980-ci il təvəllüdlü Murad M. adlı Suriya vətəndaşına Gürcüstan sərhədini qanunsuz keçdiyi üçün ittiham irəli sürülüb. Hələlik onun sərhədi nə zaman və necə keçdiyi sərhəd xidməti rəhbərliyinə məlum deyil.
Saxlanılan Suriya vətəndaşını 3 ildən 5 ilədək həbs cəzası və yaxud cərimə gözləyir. Hadisə ilə bağlı Gürcüstan Cinayət Məcəlləsinin 344-cü maddəsinin 1-ci hissəsinə (Gürcüstan sərhədini qanunsuz keçmək) əsasən cinayət işi açılıb, araşdırma aparılır.