Bakı. Türbət Bağırova-APA. Arxangelsk şəhərində Rusiya sərhədini qanunsuz keçən Nurəddin və Ramin adında iki Azərbaycan vətəndaşı saxlanılıb.
APA-nın “pomorie.ru” saytına istinadən verdiyi xəbərə görə, bu barədə Ruisiya Federal Təhlükəsizlik Xidmətinin Arxangelsk vilayəti üzrə Sərhəd Xidmətindən məlumat verilib.
Sərhəd xidmətinin əməkdaşı Yelena Kondraptyeva bildirib ki, Azərbaycan vətəndaşlarından biri- Nurəddin adlı şəxs cəzasını ciddi rejimli cəzaçəkmə müəəsisəsində çəkməklə 2 il 6 aylığa azadlıqdan məhrum edilib.
Digər saxlanılan qeyri-qanuni miqrant- Raminin işi isə məhkəməyə göndərilib.
Qeyd edək ki, hər iki şəxs bundan əvvəllər də pasportlarını dəyişərək 5 dəfə Rusiya sərhədini keçməyə müvəffəq olublar.