Moskva. Fərid Əkbərov - APA. Rusiya xarici işlər naziri Sergey Lavrov rusiyalı idmançıların dopinqdən istifadə etməsi ilə bağlı ittihamları şərh edib.
APA-nın Moskva müxbirinin verdiyi məlumata görə, S. Lavrov rusiyalı diplomatlara və həbçilərə qarşı da belə iddiaların irəli sürüləcəyi təqdirdə, təəccüblənməyəcəyini söyləyib.
"Əgər indi kimsə Rusiya Hərbi Kosmik Qüvvələrinin hərbçilərini və ya rusiyalı diplomatları dopinqdən istifadə etməkdə günahlandırsa və buna əsasən dünya proseslərində iştirakının qadağan olunmasını tələb etsə, təəccüblənmərəm", - deyə o, "Ren TV" kanalına müsahibəsində bildirib.
Qeyd edək ki, son günlər Rusiyanın bir neçə tanınmış idmançısı qadağan olunmuş "meldonium" preparatından istifadə etdiyinə görə yarışlardan uzaqlaşdırılıb. Onların arasında məşhur tennisçi Mariya Şarapova da var.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
