Bakı-APA. Binəqədi rayonunda alman faşizmi üzərində qələbənin 71 illiyi münasibətilə tədbir keçirilib.
Binəqədi rayon İcra Hakimiyyətindən APA-ya verilən məlumata görə, tədbirdə İH başçısı Xaləddin İsgəndərov, İH başçısının müavini Vüsar İsmayılov, Aparatın məsul şöbə müdiri və əməkdaşları, Ağsaqqallar Şurasının sədri Akif Rəfiyev, Binəqədi rayon İH yanında İctimai Şuranın sədri Aslan Mehdiyev və Binəqədi rayon Müharibə, Əmək və Silahlı Qüvvələr Veteranları Təşkilatının üzvləri iştirak edib.
Tədbirdə Böyük Vətən Müharibə Veteranları qarşısında çıxış edən İH başçısı Xaləddin İsgəndərov ikinci dünya müharibəsində alman faşizmi üzərində Qələbənin əldə olunmasında Azərbaycan xalqının misilsiz xidmətlər göstərdiyini vurğulayıb, azərbaycanlıların ön və arxa cəbhədə göstərdiyi qəhrəmanlıq və şücaətlərdən bəhs edib.
Rayon Ağsaqqallar Şurasının sədri Akif Rəfiyev deyib ki, son illər ölkədə əhalinin, xüsusilə də, müharibə veteranlarının sosial müdafiəsinin daha da gücləndirilməsi istiqamətində mühüm tədbirlər həyata keçirilir, xüsusi qayğıya ehtiyacı olanların dövlətin diqqət və qayğısı ilə əhatə olunub.
Binəqədi rayon İH yanında İctimai Şuranın sədri Aslan Mehdiyev isə vurğulayıb ki, Azərbaycanda müharibə veteranlarına yüksək dövlət qayğısı göstərilir, bu diqqətin əsas göstəriciləri veteranların sosial qayğılarının həlli istiqamətində görülən mütərəqqi işlərdir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
