Tiflis. Nizami Məmmədzadə - APA. Tiflisdə 39 yaşlı kişi H1N1 (“donuz qripi”) virusundan ölüb.
APA-nın Gürcüstan bürosunun məlumatına görə, bu barədə Gürcüstan Səhiyyə Nazirliyinin İnfeksiya və Yoluxucu Xəstəliklərə Nəzarət Departamentindən bildirilib. Məlumata görə, xəstə Qərbi Gürcüstandan gətirilib.
Mütəxəssislərin fikrincə, Gürcüstanda "donuz qripi" epidemiyası təhlükəsi yoxdur. Həkimlərin dediyinə görə, ölkədə bu virus fevral ayında daha çox yayılır.
Xatırladaq ki, Gürcüstanda H1N1 virusu 2009-cu ildə qeydə alınıb. Bu günədək Gürcüstanda 39 nəfər bu xəstəlikdən ölüb. Ümumilikdə ölkədə 567 nəfərdə H1N1 virusu aşkarlanıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
