Bakı. Fərid Mirzəyev - APA. Neftçala rayonunda dənizdə tapılan naməlum kişi meyiti Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinin Xətai rayon şöbəsinə gətirilib.
Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyindən APA-ya verilən xəbərə görə, meyitin şəxsiyyətinin müəyyən olunması istiqamətində iş aparılır.
Bildirilib ki, məhkəmə tibbi ekspertiza təyin edilib və cəsəddən DNT analizi götürüləcək.
Qeyd edək ki, Neftçala rayonunda naməlum kişi meyiti tapılıb. 50-55 yaşlarında kişi meyiti ötən gecə Xəzər sahilində aşkarlanıb. Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinin Salyan rayon şöbəsinə gətirilən meyitin tanınmaz halda olduğu açıqlanıb. Meyiti tapılan şəxsin "Günəşli" yatağında baş vermiş qəzada itkin düşmüş neftçilərdən biri ola biləcəyi ehtimal edilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
