Bakı. Fərid Mirzəyev – APA. Təhsil nazirinin əmri ilə təsdiq edilmiş “İbtidai təhsil pilləsində İnklüziv təhsilin tətbiqi” layihəsinin icrasına başlanıb.
Təhsil Nazirliyinin mətbuat xidmətindən APA-ya verilən məlumata görə, layihə çərçivəsində Xətai rayonundakı 138 nömrəli tam orta məktəb, Nizami rayonundakı 220 nömrəli məktəb-lisey, Nərimanov rayonundakı 202 nömrəli məktəb-lisey və Sabunçu rayonundakı 252 nömrəli məktəb-lisey pilot təhsil müəssisələri kimi seçilib.
2016-2017-ci tədris ilində qeyd olunan məktəblərin hər birində 2 sinif olmaqla, 16 nəfər əlilliyi olan birinci sinfə cəlb ediləcək: “Pilot məktəblərin pedaqoji heyətindən əlilliyi olan uşaqların təhsilinin inklüziv şəraitdə təşkili üzrə bir sıra bilik və bacarıqlar tələb olunur. Bu məqsədlə 29 avqust–2 sentyabr 2016-cı il tarixlərində 4 pilot inklüziv məktəbin pedaqoji heyəti üçün Təhsil Nazirliyi İnklüziv təhsil üzrə təlim təşkil edir. Təlim Bakı şəhərinin Xətai rayonundakı 138 nömrəli tam orta məktəbdə keçirilir. Təlimdə pilot məktəblərin direktorları, loqoped-defektoloqları, ibtidai təhsil üzrə direktor müavinləri və inklüziv siniflərin sinif müəllimləri iştirak edir”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
