Bakı-APA. İraq ordusu və könüllülərdən ibarət dəstələt İŞİD-in nəzarətində olan Əl-Fəlucə şəhərini mühasirəyə alıblar. APA-nın “TASS”a istinadən verdiyi xəbərə görə, bunu İraq ordusunun əməliyyat qərargahının rəisi Abdel Əmir əş-Şimari deyib.
Onun sözlərinə görə, qoşunlar hazırda şəhərin mərkəzi rayonlarının 2-3 kilometrliyində mövqe qurublar: “Terrorçular xeyli sayda itki verirlər və geri çəkilirlər”.
Məlumata görə, Əl-Fəlucəyə paytaxt Bağdaddan əlavə olaraq 5 min xüsusi təyinatlı cəlb olunub.
Əl-Fəlucədə hazırda şəhəri əməliyyatadək tərk edə bilməyən 50 mindən 90 minədək dinc sakinin qaldığı bildirilir.
İŞİD mühasirəni qırmaq üçün terrorçu-kamikadzelərin vasitəsi ilə təhlükəli hücumlar həyata keçirir. Onların Əl-Fəlucə ətrafındakı blok-postlarda törətdiyi üç partlayış nəticəsində 70-dən çox hərbçi həlak olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
