Bakı. Aqşin Rafiqoğlu - APA-Economics. Bu ilin noyabr ayında Azərbaycanda boru kəməri nəqliyyatı ilə neftin nəql olunması qiyməti 0,2% azalıb, qazın nəql olunması qiyməti isə 0,1% artıb.
Dövlət Statistika Komitəsindən “APA-Economics”ə verilən məlumata görə, dəmir yolu və dəniz nəqliyyatı üzrə yükdaşıma qiymətləri müvafiq olaraq 0,1% və 1,4% artıb, hava və avtomobil nəqliyyatı sahələrində yükdaşıma qiymətlərində isə dəyişiklik müşahidə olunmayıb.
Ümumilikdə nəqliyyat sektorunda yükdaşıma qiymətləri əvvəlki ayla müqayisədə sabit qalıb.