"Bu günlərdə Koreya gəmiqayırma şirkətlərinin nümayəndələrinin Azərbaycana səfəri gözlənilir".
APA-nın xəbərinə görə, bunu Koreya səfirinin müavini Kvon Donq-sok deyib. Səfir müavini bildirib ki, gəmiçiliyin inkişafı ilə bağlı Azərbaycanda gəmiqayırma işlərinə və təmirinə tələblər artacaq: "Bildiyiniz kimi, Koreya dünyanın ən yaxşı gəmi istehsalçısıdır. Biz təcrübəmizi Azərbaycanla bölüşsək, Azərbaycan bu sahədə dünyanın lider dövlətlər siyahısına daxil ola bilər".
Onun sözlərinə görə, 2017-ci ilin birinci yarısında Azərbaycan və Koreya arasında ümumi ticarət dövriyyəsi 23,77 milyon dollar təşkil edib: “Həmin müddətdə Azərbaycandan Koreyaya 146130 min dollar dəyərində mal ixrac olunub. Koreyadan isə Azərbaycana 23622 milyon dollar dəyərində məhsul idxal edilib".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
