Bakı. Musa Əhmədov – APA-Economics. Fəaliyyətini müştəri məmnuniyyəti üzərində quran “Bank of Baku” UBER şəxsi sürücü xidməti ilə Facebook sosial şəbəkəsindəki rəsmi səhifəsində birgə aksiya keçirib.
Bankdan “APA-Economics”ə verilən məlumata görə, aksiyanın şərtlərinə əsasən facebook.com/bankofbaku səhifəsində 17 Avqust saat 09:00-dək Uber postunu paylaşan hər kəsə “Bank of Baku”nun Bakı daxili filiallarına getmək və gəlmək üçün cəmi 2 gediş pulsuz verilib.
“Aksiya müştərilər tərəfindən böyük maraqla qarşılanıb. 3 gün ərzində davam edən aksiyada 330 nəfər Uber postunu paylaşıb. Bu gündən etibarən postu paylaşan hər müştəriyə ardıcıllıqla promo kodlar göndəriləcək”, - deyə məlumatda vurğulanıb.
İstifadə qaydası: Uber proqram təminatını öz mobil telefonunuza yükləyirsiniz və qeydiyyatdan keçirsiniz. Qeydiyyatdan keçdikdən sonra menyuda "promo" hissəsinə daxil olursunuz və Sizə verilən promo kodu daxil edirsiniz. Banka gəlmək üçün filial ünvanını seçirsiniz və Uber X-i sifariş edirsiniz. Sizə verilən promo kodları (Promo kodlar 17 Avqust 09:00-dək paylaşım edənlərə verilib) proqram təminatına daxil edib, 2 gedişi pulsuz əldə edirsiniz. Qeyd edək ki, Pulsuz verilən gedişlərdən 1 Sentyabra qədər istifadə edə bilərsiniz.
Promo kod yalnız yeni istifadəçilərə aiddir. MC Bolkart və “Bank of Baku”nun digər kredit/debet kartları ilə qeydiyyatdan keçmək mümkündür. Kart məlumatlarının daxil edilməsi yalnız qeydiyyat üçün tələb edilir. Promo kodu daxil etdikdən sonra, cəmi 2 dəfə PULSUZ UBER X xidmətindən istifadə etmək mümkündür.
Qeyd edək ki, “Bank of Baku” müştərilərin məmnunluğu üçün daim öz rəsmi səhifəsində partnyorlarla birlikdə müsabiqələr və müxtəlif aksiyalar keçirir. Sosial şəbəkələrdə bizi izləyərək Siz də yeniliklərdən xəbərdar ola bilərsiniz.
Ətraflı məlumat üçün:
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
