Pakistan İslam Respublikasının Milli Günü münasibətilə Pakistanın Azərbaycandakı səfirliyində bayraqqaldırma mərasimi keçirilib.
APA-nın xəbərinə görə, tədbirdə çıxış edən Pakistan səfiri Səid Xan Mohmand Pakistanın qurulmasının tarixçəsindən, eləcə də Pakistan-Azərbaycan əlaqələrindən söz açıb.
Səfir bildirib ki, Azərbaycan və Pakistan arasında sadəcə müdafiə sahəsində deyil, digər sahələrdə də bir çox razılaşmalar mövcuddur: “Son 2-3 il ərzində əlaqələrimiz addım-addım inkişaf edir. İki ölkə arasında ticarət və turizm sahəsində ikitərəfli münasibətlər, eləcə də ölkə liderləri səviyyəsində əlaqələr çox yaxşıdır. 2016-cı illə müqayisədə Pakistandan Azərbaycana gələn turistlərin sayı 300 nəfər artıb. Ümid edirəm ki, bu il iki ölkə arasında birbaşa uçuşlar təmin ediləcək və bu da ölkələrimizi daha da yaxınlaşdıracaq”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
