Oğuz rayonunda yol qəzası baş verib.
APA-nın şimal-qərb bürosunun məlumatına görə, hadisə bu gün səhər saatlarında Qaraməryəm-İsmayıllı-Şəki avtomobil yolunun Oğuz rayonu Bayan kəndi ərazisindən keçən hissəsində qeydə alınıb.
"Hyundai" və "Niva" markalı avtomobillərin toqquşması nəticəsində 6 nəfər xəsarət alıb.
Zaqatala rayon sakini, 1965-ci il təvəllüdlü Oruc Ramazan oğlu Məhərrəmov və Ağdam rayon sakini, 1961-ci il təvəllüdlü Eldar Ərşad oğlu Quliyevə yerində tibbi yardım göstərilib.
Müxtəlif dərəcəli bədən xəsarətləri alan Zaqatala rayon sakini, 1964-cü il təvəllüdlü İradə İspəndiyar qızı Məhərrəmova, Zaqatala rayon sakini, 1995-ci il təvəllüdlü Günel Oruc qızı Kazımova, Zaqatala rayon sakini, 1935-ci il təvəllüdlü Çiçək Məhərrəmova və Şəki rayon sakini, 1967-ci il təvəllüdlü Əsli Ərşad qızı Məmmədova Oğuz Rayon Mərkəzi Xəstəxanasına yerləşdiriliblər.
Hazırda onların müayinəsi davam etdirilir.
Faktla bağlı araşdırma aparılır.