Avropa İttifaqı-Azərbaycan Parlament Əməkdaşlıq Komitəsinin 15-ci iclasının ikinci sessiyasında qəbul edilən birgə bəyanatın məzmunu açıqlanıb.
APA-nın xəbərinə görə, komitənin həmsədri, millət vəkili Cavanşir Feyziyev deyib ki, bəyanatda Dağlıq Qarabağ münaqişəsinin Azərbaycanın ərazi bütövlüyü çərçivəsində, beynəlxalq hüquq normalarına uyğun həlli dəstəklənir. Eyni zamanda məcburi köçkünlərin qeyd-şərtsiz öz yurdlarına qaytarılmasına dəstək ifadə olunur.
Aİ və Azərbaycan arasında yüksək səviyyəli yeni əməkdaşlıq sazişinin imzalanması da parlamentarilər tərəfindən dəstəklənir.