Qax. Vüqar Heydərov - APA. Qax rayonunda 53 yaşlı kişini ilan sancıb. Qax Rayon Mərkəzi Xəstəxanasından (RMX) APA-nın Şəki-Zaqatala bürosuna verilən məlumata görə, bu gecə saat 04 radələrində rayonun Güllük kənd sakini, 1962-ci il təvəllüdlü Məmmədvəli Məmmədrəhim oğlu Namazov ilan sancması diaqnozu ilə xəstəxanaya daxil olub. 53 yaşlı Məmmədvəli Namazov yaşadığı evin həyətyanı sahəsində gəzərkən ilan qəfildən onun sol ayağının topuq nahiyəsindən sancıb.
Xəstəxananın reanimasiya şöbəsinə yerləşdirilən Məmmədvəli Namazova lazımi tibbi yardım göstərilib, vəziyyəti orta-ağır qiymətləndirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
