Sabirabad və Mingəçevir sakinindən silah-sursat götürülüb.
Daxili İşlər Nazirliyinin mətbuat xidmətindən APA-ya verilən məlumata görə, Sabirabad Rayon Polis Şöbəsi (RPŞ) əməkdaşları tərəfindən Şıxlar kənd sakini Mehman Əliyevdə müvafiq sənədləri olmayan “Vinçester” markalı ov tüfəngi aşkarlanıb.
Mingəçevir ŞPŞ əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində şəhər sakini, əvvəllər məhkum olunmuş Vaqif Hüseynovdan kustar üsulla hazırlanmış tüfəng, 357 ədəd pulemyot patronu və 20 ədəd avtomat patronu götürülüb.