Hacıqabul rayonunda yol-nəqliyyat hadisəsi baş verib.
APA-nın Mil-Muğan bürosunun xəbərinə görə, hadisə Bakı-Qazax yolunun Hacıqabul rayonunun Qarasu kəndindən keçən hissəsində qeydə alınıb.
“Toyota Land Cruiser” markalı avtomobil təkərin partlaması nəticəsində yoldan çıxaraq aşıb. Nəticədə sürücü, 1988-ci il təvəllüdlü Orxan Həsənov, avtomobildə olan sərnişinlər - Xırdalan şəhər sakini, 1966-cı il təvəllüdlü Həsənova Sima Şamil qızı və Nahidə Hsənova xəsarət alıb. Onların bir ailənin üzvü olduğu bildirilir.
Xəsarət alan şəxslər Şirvan şəhər xəstəxanasına yerləşdiriliblər.