Azərbaycanda qızıl yataqlarının işlənməsi üzrə operator olan Böyük Britaniyanın “Anglo Asian Minning” şirkətin prezidenti və baş icraçı direktoru Reza Vəziridən cəlb etdiyi krediti tam qaytarıb.
Bu barədə “APA-Economics”ə şirkətdən məlumat verilib.
Məlumata görə, şirkətin Reza Vəziridən cəlb etdiyi 4 mln. dollar məbləğində kreditin müddəti 2019-cu ilin yanvarın 8-dək qüvvədə olmalı idi. İllik faiz dərəcəsi 7% olan kreditə görə qalan 3,9 mln. dollarlıq borc bu ilin martın 29-da bağlanıb.
Xatırladaq ki, 2015-ci ildə cəlb edilən kreditin müddəti bir neçə dəfə uzadılıb. Sonuncu dəfə kreditin müddəti 2019-cu ilin yanvarın 8-dək uzadılmışdı.
Qeyd edək ki, "Anglo Asian Mining" 1997-ci ildən etibarən Azərbaycanda fəaliyyət göstərir. Həmin dövrdə imzalanan PSA müqaviləsinə əsasən, şirkət ölkə ərazisində 6 qızıl yatağında hasilat işləri aparır. PSA müqavilədə "Anglo Asian Mining" 49%-lik paya malikdir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
