Bu ilin avqust ayının 1-nə banklarda yerləşdirilən depozitlərin məbləği 16 mlrd. 465,6 mln. manat təşkil edib.
"APA-Economics" xəbər verir ki, bu barədə Maliyyə Bazarlarına Nəzarət Palatasının (MBNP) açıqladığı statistikada deyilir. Hesabatdan məlum olur ki, iyulda ayında ölkədə fəaliyyət göstərən banklarda yerləşdirilən depozitlərin məbləği azalıb. Belə ki, iyun ayı ilə müqayisədə iyulda banklardakı depozitlərin məbləği 221,6 mln. manat və ya 1,33% azalıb.
İyun ayı ilə müqayisədə iyulda əhalinin banklardakı əmanətlərinin həcmi 46,6 mln. manat və ya 0,68% azalıb. Avqust ayının 1-nə olan məlumata görə, əhalinin banklardakı əmanətlərinin həcmi 6 mlrd. 834,1 mln. manat təşkil edir.
Ümumiyyətlə, bu ilin əvvəlindən əhalinin əmanətləri 598 mln. manat və ya 8,05% azalıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
