"Bu ilin beş ayının nəticələrinə görə, Azərbaycanın Avropa İttifaqı ölkələri ilə ticarət dövriyyəsi 5 milyard dollara yaxınlaşır".
“APA-Economics”in məlumatına görə, bunu Dövlət Gömrük Komitəsinin sədri Səfər Mehdiyev bu gün Bakıda keçirilən Azərbaycan-Avropa İttifaqı biznes forumunda bildirib.
Onun sözlərinə görə, keçən ilin müvafiq dövrü ilə müqayisədə bu ilin 5 ayında Aİ ölkələrindən idxalda 41% artım qeydə alınıb: "Avropa İttifaqına ixrac əməliyyatlarımız 5 faiz artıb. Keçən ilin beş aylıq nəticəsi görə Aİ-yə ixracımız 3 milyard 464 milyon ABŞ dolları təşkil edibsə, bu ilin yanvar-may aylarının nəticələrinə görə bu göstərici 3 milyard 654 milyon dollar olub".
Komitə sədri bildirib ki, Aİ ölkələrindən idxal əməliyyatları keçən il 660 mln. dollar idisə, bu ilin 5 ayında bu göstərici artaraq 936 mln. dollar olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
