Çilidə keçirilən prezident seçkilərinin birinci turunda qalib müəyyən edilməyib.
APA-nın RİA Novosti agentliiynə istinadən verdiyi xəbərə görə, səslərin 90 faizinin hesablanmasından sonra sabiq dövlət başçısı Sebastyan Pinyera 36,6%, onun əsas rəqibi, senator Alehandro Qilyer isə 22,6% səs toplayıb.
Ölkə qanunvericiliyinə əsasən prezidentliyə namizəd qələbə üçün birinci turda 50% üstəgəl bir səs toplamalıdır. Seçkilərin ikinci turu dekabrın 17-də keçiriləcək.
***
02:37
Çilidə keçirilən prezident seçkilərində sabiq dövlət başçısı Sebastyan Pinyera liderlik edir.
APA-nın TASS agentliyinə istinadən verdiyi xəbərə görə, bu barədə Respublika Seçki Xidmətinin məlumatında bildirilir. Bildirilir ki, 14% seçki məntəqəsinin nəticələri artıq bəllidir.
Sağçı “İrəli Çili!” alyansı tərəfindən namizədliyi irəli sürülən S.Pinyera səslərin 36,51 faizini toplayıb. İkinci yerdə bir neçə sol-mərkəzçi koalisiyanın dəstəklədiyi senator Alexandro Qilyera (22,59%), ücüncü isə “Geniş cəbhə” sol koalisiyasından olan jurnalist Beatris Sançesdir (20,59%).
İlk turda qələbə qazanmaq üçün namizəd azı 50% səs toplamalıdır.
Qeyd edək ki, 67 yaşlı Sebastyan Pinyera 2010-2014-cü illərdə Çilinin prezidenti olub.