Bakı – APA. “Rusiya ümid edir ki, Ermənistan və Azərbaycan Dağlıq Qarabağ münaqişəsinin həll prinsiplərinə dair konkret dialoqa başlayacaqlar”.
APA-nın “RİA Novosti”yə istinadən verdiyi məlumata görə, bunu Rusiyanın ATƏT-dəki daimi nümayəndəsi Aleksandr Lukaşeviç deyib. “Biz hələ də ümid edirik ki, tərəflər münaqişənin həll prinsiplərinə dair konkret dialoqa başlayacaqlar”, - deyə o, söyləyib.
A. Lukaşeviç prezidentlərin son görüşünü həll istiqamətində ciddi irəliləyiş adlandırıb.