Bakı. Aqşin Rafiqoğlu - APA-Economics. Avropa Komissiyasının vitse-prezidenti Maroş Şevçoviç Yunanıstanın Soloniki şəhərində Azərbaycan nümayəndə heyəti ilə görüşüb.
"APA-Economics" xəbər verir ki, bu barədə M. Şevçoviç "Twitter" sosial şəbəkəsindəki hesabında yazıb.
Avropa Komissiyasının vitse-prezidenti Azərbaycanın baş nazirinin müavini Yaqub Eyyubov, energetika naziri Natiq Əliyev və SOCAR-ın prezidenti Rövnəq Abdullayevlə səhər yeməyi yeyib.
M. Şevçoviç Azərbaycanı Cənub Qaz Dəhlizi layihəsi çərçivəsində əsas tərəfdaş kimi qələmə verib.