Bakı – APA. UEFA avrokuboklarda iştirak edən klublarının qazandığı vəsaiti komandaların təmsil etdiyi milli assosiasiyaların hesabına köçürüb. Apasport.az saytının məlumatına görə, Çempionlar Liqası və Avropa Liqası turnirlərində iştirak edən Azərbaycan klublarının əldə etdiyi məbləğ AFFA-ya keçirilib.
UEFA-dan assosiasiyaya daxil olan həmin vəsait dərhal müvafiq qaydada “Qarabağ”, “Qəbələ” və “Neftçi”nin hesabına köçürülüb. “Qarabağ” hamıdan çox – 950, “Qəbələ” 630, “Neftçi” 200 min avro qazanıb.
630 min avro əldə edən “İnter”in qazancı isə yaxın günlərdə ünvanına çatacaq. Çünki AFFA ilə “İnter” rəhbərliyi arasında aparılmış danışıqlara uyğun olaraq, klubun assosiasiyaya olan borcları tutulduqdan sonra yerdə qalan vəsait paytaxt təmsilçisinin hesabına köçürüləcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
