APA-nın TASS-a istinadən verdiyi məlumata görə, belə bir bəyanatla Rusiya xarici işlər naziri Sergey Lavrov çıxış edib.
O qeyd edib ki, Rusiya özünü müdafiə etmək üçün bütün mümkün vasitələrdən istifadə edəcək. Bura siyasi, hərbi, xüsusi xidmət orqanları xətti, kəşfiyyat və digər vasitələr daxildir.
Lavrov əlavə edib ki, artıq xüsusi xidmət orqanları xətti ilə bir sıra dövlətlər A321 təyyarəsindəki terrorda günahkar olanların axtarışı üçün öz köməyini təklif edib.
Suriyada fəaliyyət göstərən qruplaşmaların “qara siyahı”ya daxil edilməsinə gəldikdə isə Rusiya XİN rəhbəri qeyd edib ki, yekun siyahını İordaniya hazırlayacaq. Lavrov onu da bildirib ki, Moskva dünya ictimaiyyətinin terror qruplaşmalarının maliyyələşməsinin qarşısının alınması üçün ümumi səylərinə ümid edir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
