Bakı. Aqşin Rafiqoğlu – APA-Economics. Bu ilin yanvar-noyabr aylarında Gürcüstan Azərbaycandan 283 047,5 min dollar dəyərində 1 347 492,8 kubmetr yanacaq qazı və digər qazlar idxal edib.
Bu barədə “APA-Economics” Gürcüstan Milli Statistika Xidmətinə istinadən məlumat verib.
Bu, ötən ilin eyni dövrü ilə müqayisədə 10,78% çoxdur. Keçən ilin analoji dövrü ilə müqayisədə Gürcüstandan ixrac olunan yanacaq qazının həcmi dəyər baxımından isə 12,02% artıb.
Bu ilin 11 ayında Gürcüstan Azərbaycandan 129 862,0 min dollar dəyərində 261 379,0 ton yanacaq və yanacaq yağları idxal edib. Bu, ötən ilin eyni dövrü ilə müqayisədə 5,08% çoxdur.
Ötən ilin yanvar-noyabr ayları ilə müqayisədə isə Gürcüstandan ixrac olunan yanacaq və yanacaq yağlarının həcmi dəyər baxımından 40,55% azdır.
Qeyd edək ki, Azərbaycandan Gürcüstana ixrac olunan məhsulların 57,31%-i yanacaq qazı və digər qazlar, 26,30%-i isə yanacaq və yanacaq yağlarının payına düşür.
Xatırladaq ki, bu ilin yanvar-noyabr aylarında Azərbaycandan Gürcüstana 493 868,2 min dollar dəyərində məhsul ixrac edilib. Bu, ötən ilin eyni dövrü müqayisədə 12,73% azdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
