Bakı. Aqşin Rafiqoğlu – APA-Economics. SOCAR-ın Türkiyənin Petkim yarımadasında inşa etdiyi STAR neft emalı zavodunun avadanlıqlarını daşıyan ilk gəmi limana yüklərini boşaldıb.
“APA-Economics”in məlumatına görə, bunu SOCAR-ın Türkiyədəki törəmə müəssisəsi olan "SOCAR Turkey Enerji" şirkətinin baş icraçı direktoru Kənan Yavuz bildirib.
Onun sözlərinə görə, artıq avadanlıqların montajına başlanılıb : "Neft emalı zavodunda işlərin 48%-ni başa çatdırmışıq. Real sektorda son 40 ilin ən böyük sərmayəsi olan zavod 2018-ci ildə istehsala başlayacaq".
O qeyd edib ki, zavodun inşasında çalışan işçilər gecə-gündüz HSE standartları ilə işləyirlər.
Qeyd edək ki, SOCAR 2008-ci ildə "Petkim Holding"in özəlləşdirilməsi ilə Türkiyədə fəaliyyətə başlayıb və burada "SOCAR Turkey" adı ilə fəaliyyət göstərir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
