Bakı – APA. Bu gün Fransanın Sofiya Nis-Antiplois Universitetində (Nis şəhəri) “Hüquq və tolerantlıq” mövzusunda beynəlxalq konfrans keçirilib.
APA-nın xəbərinə görə, konfransı giriş sözü ilə açan hüquq və siyasi elmlər fakültəsinin dekanı, professor Kristian Vallar tolerantlığın hüquqi tənzimlənməsi məsələlərinə toxunub. Bir neçə ölkədən məruzəçilərin iştirak etdiyi konfransa Azərbaycan nümayəndə heyəti də qatılıb. Konfransda AMEA Fəlsəfə və Hüquq İnstitutunun İctimai elmlər üzrə informasiya və texniki proqramlaşdırma şöbəsinin müdiri Zöhrə Əliyeva “Tolerantlıq anlayışının tarixi inkişafı” adlı məruzə ilə çıxış edib.