Bakı - APA. Rusiyada keçirilən rəy sorğusuna əsasən vətəndaşların 82%-i prezident Vladimir Putinin fəaliyyətini bəyənir.
APA-nın “İnterfaks”a istinadən verdiyi məlumata görə, bu göstərici ilin əvvəlindən dəyişməz olaraq qalır.
Rəy sorğusuna əsasən, Rusiya baş naziri Dmitri Medvedyevin fəaliyyətini vətəndaşların 54%-i bəyənir.
Ümumilikdə vətəndaşların 54%-i hökumətin, 41%-i isə Dövlət Dumasının fəaliyyətini müsbət qiymətləndirib.
Sorğuda iştirak edənlər etimad göstərdikləri siyasətçilərin adlarını da açıqlayıblar. Siyahıda birinci yerdə 56%-lə Rusiya prezidenti Vladimir Putin, 2-ci yerdə 26%-lə müdafiə naziri Sergey Şoyqu, 3-cü yerdə isə 22%-lə xarici işlər naziri Sergey Lavrov qərarlaşıb.