Qax. Vüqar Heydərov-APA. Qaxda azyaşlı qızı avtomobil vuraraq öldürüb.
Qax Mərkəzi Rayon Xəstəxanasından APA-nın Şəki-Zaqatala bürosuna verilən məlumata görə, avqustun 21-də axşam saatlarında Qax şəhəri Axundzadə 1 ünvanında yaşayan 2008-ci il təvəllüdlü Banuçiçək Cavid qızı Fətəlizadə avtomobil vurması nəticəsində müxtəlif dərəcəli ağır bədən xəsarətləri ilə xəstəxananın reanimasiya şöbəsinə daxil olub. Həkimlərin səyinə baxmayaraq, azyaşlı aldığı xəsarətlərdən xəstəxanada keçinib. Məlumatda bildirilir ki, Banuçiçək Fətəlizadənin atası Cavid Fətəlizadə Məhkəmə Tibbi Ekspertiza və Patoloji Anatomiya Birliyinin Qax rayon şöbəsinin həkimidir. Banuçiçək Fətəlizadə dəfn edilmək üçün doğulduğu Astara rayonuna aparılıb.
Faktla bağlı Qax rayon Polis Şöbəsində araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
