Bakı. Musa Əhmədov – APA-Economics. Bu gün Maliyyə Nazirliyinin kollektivi Zığ-Heydər Əliyev Beynəlxalq Hava Limanı magistral avtomobil yolunun ətrafında ağacəkmə ilə bağlı iməcilik keçirib.
Maliyyə Nazirliyinin mətbuat xidmətindən “APA-Economics”ə verilən məlumata görə, Nazirliyinin rəhbər vəzifəli şəxslərinin də iştirak etdiyi iməcilik zamanı ərazidə ölkəmizin iqlim şəraitinə uyğun və dözümlü, xeyli sayda ağac və kol bitkiləri əkilib.
Ekologiya mütəxəssislərinin iştirakı ilə əkilən hər bir ağacın küləkdən qorunması və normal böyüməsi üçün mineral gübrələrdən və digər lazımi vasitələrdən istifadə edilib, eyni zamanda əvvəlki illərdə həmin ərazidə əkilmiş ağaclara da qulluq olunub, suvarma işləri görülüb.
“Bu gün Bakı şəhəri və Abşeron yarımadasında ağacəkmə və yaşıllaşdırma istiqamətində həyata keçirilən tədbirlər mühüm əhəmiyyət kəsb edir. Maliyyə Nazirliyinin əməkdaşları tərəfindən belə iməciliklərin bundan sonra da davam etdirilməsi nəzərdə tutulub”, - deyə məlumatda vurğulanıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
