Bakı. Cavid Zeynallı – APA. Tələbə Qəbulu üzrə Dövlət Komissiyasının (TQDK) sədri Məleykə Abbaszadə sentyabrın 18-də Goranboyda vətəndaşları qəbul edəcək.
Komissiyadan APA-ya verilən məlumata görə, qəbulda Goranboy, Naftalan, Mingəçevir, Tərtər, Yevlax, Ağdaş, Bərdə rayon sakinləri və bu rayonlarda məskunlaşmış qaçqın və məcburi köçkünlər iştirak edə bilərlər.
Qəbulda iştirak etmək istəyən vətəndaşlar TQDK-nın internet saytına daxil olaraq elektron müraciət formasını doldurmaqla qeydiyyatdan keçməli və ya TQDK-nın Gəncə regional bölməsinə müraciət etməlidirlər.
Goranboy, Naftalan, Mingəçevir, Tərtər, Yevlax, Ağdaş və Bərdə rayon Təhsil Şöbələrində sentyabrın 9-dan 17-dək qəbula qeydiyyat aparılacaq.