Bakı. Fərid Mirzəyev – APA. Dövlət Sərhəd Xidməti (DSX) Akademiyasına əlavə qəbulun keçirilməsi ilə bağlı müsabiqə elan olunub. Tələbə Qəbulu üzrə Dövlət Komissiyasının (TQDK) mətbuat xidmətindən APA-ya verilən xəbərə görə, DSX Akademiyasının “Gəmiçilik və gəmilərin hərəkətinin idarə edilməsi”, “Mexanika mühəndisliyi” , “Aviasiya texnikası avadanlıqlarının istismarı mühəndisliyi”, “Dövlət və bələdiyyə idarə etməsi” ixtisasları üzrə iyulun 31-dən avqustun 5-dək əlavə qəbul həyata keçirilir.
Müsabiqədə I və II ixtisas qrupları üzrə qəbul imtahanında 200-dən yuxarı bal toplamış abituriyentlər iştirak edə bilərlər.
Qeydiyyat DSX Akademiyasında aparılır.