Hadisə

Ana səhifə

Hadisə

Lənkəranda yük avtomobili “Mercedes”in üstünə aşıb - FOTOSESSİYA - VİDEO

Lənkəranda yük avtomobili “Mercedes”in üstünə aşıb - <span style="color: red;">FOTOSESSİYA - <span style="color: red;">VİDEO

11 oktyabr 2014 12:05 (UTC +04:00)

APA-nın cənub bürosunun məlumatına görə, hadisə oktyabrın 11-də Ələt-Astara magistralının 206-cı kilometrliyində, yolun rayonun Gərmətük qəsəbəsindən keçən hissəsində qeydə alınıb.

Ələt istiqamətində hərəkət edən Sabirabad rayon sakini, 58 yaşlı Qulamhüseyn Nuriyevin idarə etdiyi “Hova” markalı, 90 JV 103 dövlət nömrə nişanlı içi dolu yük maşını yaranmış nasazlıq səbəbindən idarəetməni itirərək yolun soluna çıxıb və kənarda dayanmış “Mercedes” markalı, 15 BN 949 dövlət nömrə nişanlı minik avtomobilinin üstünə aşıb. Hadisə vaxtı “Mercedes”in sürücüsü, Cəlilabad rayon sakini, 36 yaşlı Niyaməddin Əliyev maşında olsa da, xoşbəxtlikdən xəsarət almayıb.

Hadisə nəticəsində yük maşınına ciddi ziyan dəyib, “Mercedes” isə yarasız vəziyyətə düşüb. Həmçinin yolun kənarındakı elektrik dirəyi aşıb və naqilləri qırılıb.

Faktla bağlı Daxili İşlər Nazirliyinin Baş Dövlət Yol Polisi İdarəsinin istintaq və təhqiqat şöbəsində araşdırma aparılır.