APA-nın “RİA Novosti”yə istinadən verdiyi xəbərə görə, bu 14 yaşlı Ceylin Frayberqdir.
Qeyd edək ki, tapança ilə silahlanmış Frayberq məktəb yeməkxanasına daxil olaraq oradakı şagirdlərə atəş açıb. Hücum nəticəsində 1 nəfər ölüb, 4 nəfər yaralanıb. Cinayətkarın özü isə özünü güllələyərək intihar edib.
Üç yaralının – 2 qız və 1 oğlanın vəziyyəti olduqca ağırdır. Dördüncü yaralının vəziyyəti nisbətən normaldır.
Məlumata görə, atəş açan yeniyetmənin yaxınları onun bacarıqlı və iddialı şagird, məktəbin liderləri sırasında olduğunu bildiriblər.