Bakı – APA. “Azərreyl” yeni mövsüm üçün ilk legioner transferini reallaşdırıb. Apasport.az saytının məlumatına görə, “dəmiryolçular” Belarus millisinin hücumçusu Oksana Kovalçukla anlaşıblar.
2011/2012 mövsümündə, “Azəryol”un “Azərreyl” olduğu vaxtda da Bakı təmsilçisinin şərəfini qoruyan 35 yaşlı voleybolçu ilə 1 illik müqavilə bağlanılıb.
188 sm boya malik Kovalçuk yerli “Pribujye” klubundan transfer olunub. O, “Azərreyl”i tərk etdikdən sonra ana olduğu üçün 1 il meydandan kənar da qalib.
Azərbaycan Super Liqasında medal qazana bilməyən Kovalçuk Belarus çempionatının 2 dəfə ikincisi, eyni sayda üçüncüsü olub. Hücumçu həmçinin, ölkəsində kubokun sahibi və Rusiya kubokunun finalçısı olub.
Qeyd edək ki, “Azərreyl” Kovalçukdan öncə Azərbaycan millisinin oyunçuları – Aynur Kərimova, Şəfaqət Həbibova və İrina Makarenko ilə müqaviləni 1 illik artırıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
