Per Stankina: “Azərbaycan Almaniyadan siyasi sığınacaq istəyən 6.500 azərbaycanlının geri qaytarılması ilə bağlı danışıqlara başlamaq istəmir”
18 may 2007 09:42 (UTC +04:00)
APA-nın məlumatına görə, bu açıqlamanı jurnalistlərə Almaniyanın Azərbaycanda fövqəladə və səlahiyyətli səfiri Per Stankina verib. “Almaniyadan siyasi sığınacaq istəyən azərbaycanlıların geriyə qaytarılması deportasiya məsələsi deyil, bu, beynəlxalq qanunvericilik məsələsidir. Hər bir ölkə öz vətəndaşları üçün cavabdehlik daşıyır. Əgər bu şəxslər konkret ölkənin vətəndaşlarıdırsa, həmin ölkə öz vətəndaşlarının geri qayıtmasını təmin etməlidir. Problemi həll etmək üçün Almaniya və Azərbaycan əməkdaşlıq etməli, danışıqlar aparmalıdır, amma Bakı hələlik bu məsələyə reaksiya vermir. Bir müddət əvvəl biz danışıqlara başlamağı təklif etmişik. Sonrakı mərhələdə necə hərəkət edəcəyimizi bilmək istəyirik. Danışıqlar aparmaq üçün bir neçə ay əvvəl Almaniyadan nümayəndə heyəti Bakıya gəldi, daha sonra biz Azərbaycan tərəfinin Almaniyaya gələcəyini gözlədik. Amma Bakıdan Almaniyaya heç kəs gəlmədi. Azərbaycan hələ də bu məsələ ilə bağlı danışıqlara başlamaq istəmir”. /APA/
Xarici siyasət
FHN: Azərbaycan 40 xilasedicini İranda axtarış-xilasetmə əməliyyatına göndərməyə hazırdır
01:22
20 may 2024
XİN: Azərbaycan dost və qardaş xalq kimi İrana bütün lazımi dəstəyi verməyə hazırdır
20:03
19 may 2024
Latviya Parlamenti sədrinin başçılıq etdiyi nümayəndə heyəti Füzuli və Şuşa şəhərlərində olub - FOTO - YENİLƏNİB
19:21
19 may 2024
İran səfirinin Azərbaycan Respublikasındakı diplomatik missiyası başa çatıb
18:44
19 may 2024