Xocalıda 613 qardaşımız vəhşicəsinə qətlə yetirilib. Qətliamın acısı hələ təzədir və sızıltısı ürəklərdədir.
APA xəbər verir ki, bunu Türkiyənin Azərbaycandakı səfiri Cahit Bağçı jurnalistlərə açıqlamasında deyib.
Səfir Birinci Qarabağ müharibəsində itkin düşən 4000-ə yaxın insanın taleyi barədə hələ də bir məlumatın olmadığını vurğulayıb.
Diplomat bildirib ki, dünya bu qətliamlara qarşı kar və kor olub, beynəlxalq hüquq işləməyib: “BMT-nin qəbul etdiyi qətnamələr yerinə yetirilmədi. Amma Azərbaycan 44 günlük müharibə ilə Zəfər qazandı. Bu gün biz şəhidləri anmaq və qardaşlarımızın kədərini paylaşmaq üçün buradayıq. Biz hər zaman Xocalını anmalı və unutmamalıyıq”.
Səfir qeyd edib ki, bu gün Türkiyə-Azərbaycan münasibətləri yüksək səviyyədədir: “İki dövlət, bir millət” deyərək Azərbaycanla tək ürək olduq”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
